Бичлэг тандагчЧ.Дагмидмаа : Монгол хүн та дээшээ суу
2011-03-28,19:04
Монгол хүн та дээшээ суу
Монгол хүн та дээшээ суу
Морин хуурандаа ойрхон суу
Шагайн дөрвөн бэрхэнд аз увьдис бууж
Шандаст хүлгийн зоонд ардын дуугаан аялдаг
Дэлгэн барьсан хадагных нь өнгөнд тэнгэр гэрэлтэж
Дээшээ харсан алганд нь дэлхий бүхлээрээ багтдаг
Дээлтэй хөх өвгөд минь гаанс хөөргөөрөө гоёж
Дээрээ тоонотой гэртээ зуун зууныг элээсэн
Монгол хүн та дээшээ суу
Морьтой сүлдэндээ ойрхон суу...
Унасан хүлгийнх нь тэргүүнд сар бууж
Ууж суугаа аягатай цайнд нь нар хөвдөг
Уйлсан хүүхдээ галынхаа цогонд ширэглэж
Ус голынх нь чулуугаар домнож өсгөдөг
Уужим талын цээжийг гэрийнхээ бууриар тамгалж
Унь ханаа шаргиулан нүүж дөрвөн цагийг уяраасан
Монгол хүн та дээшээ суу
Монгол гэрийнхээ хойморт суу
Атганаас буусан шагай дөрвөн бэрх буутал
Ардын дуугаан дуулж хуурынхаа аялгуунд дэлгэр
Алтан намрын шүүдрийг мөнхийн ус болтол
Адис жанлавий нь хүртэж хурмастын доор залбир
Эргэн төрөхгүй аялгуу зүрхнээ дахин эгшиглэж
Энэ хаврын уулсыг өнгөөн хувилтал дуул...
Ээж ээжийн хайр дэлхийн мэлмий нээж
Энэ цагийн Монголын зовлон холхнуур тойрог
Монгол хүн та дээшээ суу
Монгол гэрийнхээ хойморт суу
Морин хуурынхаа дэргэд суу...
Сэтгэгдэл бичихСэтгэгдэл:
ANUBVJIN12345678
Yasan hoy shuleg ve
ANU GDY (зочин) хэзээ бичсэн: 23:08, 2024-09-30 | |
Vaav yasan goy shuleg ve bravo 👏 ♥️
Зочин хэзээ бичсэн: 14:39, 2024-05-06 | |
Mash goy hai na.
Batzaya (зочин) хэзээ бичсэн: 14:49, 2020-01-20 | |
goy bn
Зочин хэзээ бичсэн: 11:52, 2019-09-12 | |
bayarllooooooooooooooo
Зочин хэзээ бичсэн: 22:27, 2011-03-30 | |
BAGSHAA BID SHALGALTAA SAIN OGNOO 
BATOCHIR хэзээ бичсэн: 19:06, 2011-03-30 | |